मुंबईत जोरदार पावसाला सुरुवात झाली आहे. नरिमन पॉइंट परिसरात जोरदार वाऱ्यासह पाऊसाला सुरुवात झाली आहे. हवामान विभागाकडून मुंबईत अतिमुसळधार पावसाचा इशारा देण्यात आल्याची माहिती मिळत आहे.
मुंबईसह उपनगरात पावसाचा ऑरेंज अलर्ट देण्यात आला आहे. पावसामुळे नागरिकांची तारांबळ उडाली आहे. सकाळपासूनच जोरदार पावसाला सुरुवात झाली असून याच्याआधी सोमवारी पावसाने जोरदार हजेरी लावली होती. याचा रेल्वेसेवेवर परिणाम झाल्याचे पाहायला मिळाले.
याच पार्श्वभूमीवर आता पुढील चार पाच तासांत मुंबई आणि उपनगरात जोरदार पावसाची हवामान विभागाने शक्यता वर्तवली आहे.
