हॉटेलमध्ये 'बॉयफ्रेंड' सोबत पत्नी, पतीने उचलले टोकाचे पाऊल

wife killing : हिमाचल प्रदेशातील कुल्लू जिल्ह्यातील एका हॉटेलमध्ये शुक्रवारी एका व्यक्तीने आपल्या पत्नीच्या मित्राची हत्या केल्यानंतर स्वत:वर गोळी झाडून घेतली. पोलिसांनी दिलेल्या माहितीनुसार, दिल्लीतील दोन महिला, ज्यापैकी एक विवाहित आहे, मनाली येथील एका हॉटेलमध्ये थांबल्या होत्या. गुरुवारी रात्री तीने मित्र सनीला खोलीत बोलावले. (manali man shoots himself dead after killing wife male friend in manali hotel)

पोलिसांनी सांगितले की, दुसऱ्या दिवशी सकाळी पती हॉटेलमध्ये पोहोचला आणि पत्नीला सनीसोबत पाहून संतापून त्याने सनीची गोळ्या झाडून हत्या केली. एसपींनी सांगितले की, महिलेच्या म्हणण्यानुसार, सनीची हत्या केल्यानंतर तिच्या पतीने स्वतःवर गोळी झाडून आत्महत्या केली.

फॉरेन्सिक टीमला घटनास्थळी पाचारण करण्यात आले आहे आणि या प्रकरणाची चौकशी केली जात आहे, असे ते म्हणाले, प्रथमदर्शनी असे दिसते की या गुन्ह्यात महिलांची कोणतीही भूमिका नाही. स्थानिक मीडिया रिपोर्ट्सनुसार, महिलेने मनालीमध्ये हॉटेल लीजवर घेतले होते, तर तिचा नवरा जिबीमध्ये हॉटेल चालवत होता, तर सनी हरियाणाची रहिवासी आहे.

हॉटेलच्या कर्मचाऱ्याच्या म्हणण्यानुसार, सकाळी जेव्हा हॉटेलमध्ये गोळीबाराचा आवाज आला तेव्हा ते धावत पोहोचले. घटनास्थळी दोन जणांना गोळ्या लागल्या असून दोघेही जमिनीवर पडले आहेत. तत्काळ पोलिसांना माहिती देण्यात आली. पोलिसांनी घटनास्थळ गाठून दोघांचेही मृतदेह ताब्यात घेऊन तपास सुरू केला. सध्या पोलिसांनी महिलेला निर्दोष घोषित केले आहे.