नड्डा-शहांची संपली बैठक; आमदार कडेकोट बंदोबस्तात सुरतमध्ये
Eknath Shinde : महाराष्ट्रातील उद्धव सरकारवर संकट ओढावताना दिसत आहे, शिवसेना (Shiv Sena) नेते शिंदे 25 आमदारांसह गुजरातमध्ये आहेत. सर्व आमदार सुरतच्या ले मेरिडियन हॉटेलमध्ये थांबले आहेत. शिंदे मुख्यमंत्र्यांचा फोनही उचलत नाहीत. या आमदारांपैकी 15 आमदार शिवसेनेचे आहेत. आमदारांच्या वतीने दुपारी दोन वाजता हॉटेलमधूनच पत्रकार परिषद होऊ शकते. या सर्व आमदारांना सुरतमध्ये आणण्यामागे भाजपच्या (BJP) दोन दिग्गज नेत्यांचा हात असल्याचे बोलले जात आहे. गुजरात पोलिसांनी हॉटेलबाहेर कडेकोट बंदोबस्त ठेवला आहे. (Eknath shinde puts shiv sena in trouble reaches gujarat with 25)
महाराष्ट्र भाजपचे प्रदेशाध्यक्ष चंद्रकांत पाटील (Chandrakant Patil) यांनी प्रसारमाध्यमांना सांगितले की, आम्ही राजकीय घडामोडींवर बारीक लक्ष ठेवून आहोत. यामुळे काही बदल होईल, असे म्हणणे जरा अकालीच ठरेल, असे सांगून ते पुढे म्हणाले की, संजय राऊत (Sanjay Raut) यांच्या प्रक्षोभक भाषणांमुळे त्यांच्या पक्षात अडचणी निर्माण झाल्या आहेत. एकनाथ शिंदे यांचे बंड हे जनता खपवून घेणार नसल्याचे उदाहरण आहे.
आमदार गुजरातला रवाना झाल्यानंतर महाराष्ट्रात नेत्यांच्या भेटीची मॅरेथॉन रनिंग सुरू झाली आहे. राष्ट्रवादीचे जयंत पाटील यांनी घेतली उद्धव यांची भेट, संजय राऊत यांनी आपला दिल्ली दौरा रद्द केला आहे. राऊत हे आज शरद पवार यांच्या दिल्लीतील निवासस्थानी राष्ट्रपतीपदाच्या उमेदवारासंदर्भातील बैठकीला उपस्थित राहणार होते.
या आमदारांनी बाजू बदलली तर महाराष्ट्र आघाडी सरकारमध्ये फूट पडून उद्धव ठाकरे यांचे सरकार कोसळू शकते. कारण उद्धव सरकारला 153 आमदारांचा पाठिंबा आहे. सरकार स्थापन करण्यासाठी 144 आमदारांची गरज आहे, कारण 1 जागा अद्याप रिक्त आहे. शिवसेनेत फूट पडल्यास काँग्रेसचे काही आमदारही पक्षांतर करू शकतात. नोव्हेंबर 2019 मध्ये शिवसेनेचे उद्धव ठाकरे काँग्रेस आणि राष्ट्रवादीच्या पाठिंब्याने मुख्यमंत्री झाले.
गुजरातमध्ये गेलेल्या आमदारांमध्ये शहाजी बापू पाटील, महेश शिंदे, भरत गोगावले, महेंद्र दळवी, महेश थोरवे, विश्वनाथ भोईर, संजय राठोड, संदीपान भुमरे, उदयसिंह राजपूत, संजय शिरसाठ, रमेश बोरनारे, प्रदीप जैस्वाल, अब्दुल सत्तार आणि तानाजी सावंत यांचा समावेश आहे. सूत्रांकडून मिळालेल्या माहितीनुसार, महाराष्ट्र सरकारचे मंत्री एकनाथ शिंदे 25 आमदारांसह गुजरातला गेले आहेत, असे सांगण्यात येत आहे की शिवसेनेच्या 15 आमदारांसह अनेक पक्षांसह अपक्ष आमदारांचाही समावेश आहे, या सर्वांची संख्या 10 सांगितली जात आहे. त्यांच्या सरकारमध्ये सातत्याने दुर्लक्ष होत असताना शिंदे यांनी हे पाऊल उचलल्याचे बोलले जात आहे. मात्र, शिवसेना नेते संजय राऊत यांनी शिंदे यांच्याशी संपर्क असल्याचा दावा केला आहे.
