"उद्धव ठाकरे यांना कोरोनाची लागण"

महाराष्ट्रात राजकीय उलथापालथ होत असताना राज्याचे राज्यपाल भगतसिंह कोश्यारी (Bhagat Singh Koshyari ) यांच्यानंतर आता राज्याचे मुख्यमंत्री उद्धव ठाकरे (Uddhav Thackeray ) यांनाही कोरोनाची लागण झाल्याची माहिती समोर आली आहे. याबाबात काँग्रेसचे प्रदेशाध्यक्ष नाना पटोले यांनी माहिती दिली आहे.

महाराष्ट्रातील घडामोडींवर लक्ष ठेवण्यासाठी नेमण्यात आलेल्या कमलनाथ यांनी राज्यातील काँग्रेस आमदारांची बैठक घेतली. या बैठकीत काँग्रेसचे राज्यातील सर्व नेते उपस्थित होते. या बैठकीनंतर काँग्रेसचे सर्व आमदार आमच्याशी संपर्कात असून ४४ पैकी ४१ आमदार बैठकीला उपस्थित होते. तर तीन आमदार मुंबईच्या दिशेनं येत आहेत, अशी माहिती दिली. याचदरम्यान उद्धव ठाकरे यांना कोरोनाची लागण झालेली आहे. त्यामुळे ते राज्य मंत्रिमंडळाच्या बैठकीला व्हिडिओ कॉन्फरन्सिंगद्वारे उपस्थित राहणार आहेत अशी माहिती नाना पटोले यांनी दिली.