रायगडमध्ये आज लाडकी बहीण योजनेचा कार्यक्रम; कार्यक्रमावर पावसाचे सावट

रायगडमध्ये आज लाडकी बहीण योजनेचा कार्यक्रम होणार आहे. दुपारी 2 वाजता हा कार्यक्रम होणार आहे. या लाडकी बहीण योजनेच्या कार्यक्रमातून मुख्यमंत्री आणि उपमुख्यमंत्री लाभार्थी महिलांशी संवाद साधणार आहे.

मुख्यमंत्री माझी लाडकी बहिण या राज्य सरकारच्या योजनेचा वचनपूर्ती महोत्सव आज रायगड जिल्ह्यातील माणगाव येथे होणार आहे. या सोहळ्याला मुख्यमंत्री एकनाथ शिंदे, उपमुख्यमंत्री अजित पवार, देवेंद्र फडणवीस, उद्योग मंत्री उदय सामंत, महिला व बालविकास मंत्री आदिती तटकरे , खासदार सुनील तटकरे उपस्थित राहणार आहेत.

दक्षिण रायगडमध्ये रात्रीपासून पावसाला सुरुवात झाली असून लाडकी बहीण योजनेच्या कार्यक्रमावर पावसाचे सावट आहे.

ज्या ठिकाणी हा कार्यक्रम होणार आहे त्या कार्यक्रमस्थळी पावसामुळे चिखल झाला आहे. मंडप आणि मोकळ्या जागेत पावसाचे पाणी साचले असून वाहन पार्किंगच्या जागेवरही चिखल झाला आहे.