पुणे आणि पिंपरी चिंचवडमधील शाळा-महाविद्यालयांना सुट्टी

अमोल धर्माधिकारी, पुणे

परतीच्या पावसाला सुरुवात झाली असून या परतीच्या पावसाने चांगलेच झोडपून काढल्याचे पाहायला मिळत आहे. पुण्याला परतीच्या पावसाने चांगलेच झोडपले आहे. सगळीकडे पाणीच पाणी झाल्याचे पाहायला मिळत आहे.

याच पार्श्वभूमीवर पुणे आणि पिंपरी चिंचवडमधील शाळा-महाविद्यालयांना सुट्टी जाहीर करण्यात आली असून मुसळधार पावसाच्या पार्श्वभूमीवर हा निर्णय घेण्यात आला आहे.

वादळ व विजेच्या कळकडाटासह मुसळधार पावसाचा इशारा देण्यात आला असून अतिदक्षतेच्या पार्श्वभूमीवर सुरक्षिततेच्या दृष्टीने उपाययोजना म्हणून पुणे आणि पिंपरी चिंचवड शहरातील सर्व शाळा व महाविद्यालयांना आज सुट्टी जाहीर करण्यात आली आहे.