Bathinda Military Station : भटिंडा मिलिट्री कॅम्पमध्ये गोळीबार, चार जवानांचा मृत्यू

भटिंडा मिलिट्री कॅम्पमध्ये गोळीबार झाल्याची घटना घडली आहे. या घटनेत चार जवानांचा मृत्यू झाल्याची माहिती मिळत आहे. भटिंडामध्ये 10 कॉर्प्सचे मुख्यालय आहे. हे स्टेशन जयपूरच्या दक्षिण पश्चिम कमांडच्या अधिकार क्षेत्राखाली येते. भटिंडामधला मिलिट्री कॅम्प हा देशातील सर्वात मोठा लष्कराचा तळ आहे.

गोळीबारानंतर कन्टॉन्मेट परिसराला सील करण्यात आले आहे. छावणी परिसरात झालेल्या घटनेनंतर परिसरात प्रवेश करण्यास मनाई करण्यात आली आहे. हा दहशतवादी हल्ला नाही. सर्च ऑपरेशन सुरू असून परिसर सील करण्यात आले आहे. कोणत्याही अफवांवर विश्वास न ठेवण्याचे आवाहन करण्यात आले आहे. असे एसएसपी गुलनीत खुरूना यांनी सांगितले.