कुरेशी प्रोडक्शन हाऊसवर ईडीचा छापा, ईडीचे मुंबईत पाच ठिकाणी छापे

कुरेशी प्रोडक्शनसह ईडीचे मुंबईत पाच ठिकाणी छापे टाकले आहेत. कुरेशी प्रोडक्शन हाऊसवर छापे टाकले आहेत. कुरेशी प्रोडक्शनच्या माध्यमातून पैशांचा व्यवहार झाल्याचा आरोप ईडीकडून करण्यात आला आहे. बेटिंग अ‍ॅप कनेक्शनमधून अनेक बॉलिवूड कलाकार आता ईडीच्या रडारवर आहेत. अंधेरी आणि इतर काही ठिकाणी छापेमारी अजूनही सुरू आहेत. वसीम कुरेशी आणि तबस्सुम कुरेशी हे प्रोडक्शन हाऊस चालवतात.

महादेव बेटिंग ॲपप्रकरणाचा तपास ईडीने सुरू केल्यामुळे अख्खं बॉलिवूड ढवळून निघालं आहे. या प्रकरणी बड्या कलाकारांना समन्स बजावण्यात आलं आहे. त्यांची कसून चौकशी केली जाणार आहे. हे प्रकरण ताजं असतानाच ईडीने आणखी एक मोठं पाऊल उचललं आहे. आता याप्रकरणी बॉलिवूड रडारवर आलं आहे. बॉलिवूड सुपरस्टार रणबीर कपूर सारख्या अनेक मोठ्या नावांचा या प्रकरणात समावेश असल्याची माहिती मिळत आहे.