ब्राह्मण समाजची खिल्ली उडवली, अमोल मिटकरी विरोधात समाज आक्रमक

काही दिवसांपूर्वी राष्ट्रवादी काँग्रेसचे आमदार अमोल मिटकरी (NCP MLA Amol Mitkari) ह्यांनी भर सभेमध्ये राज ठाकरे (Raj Thackeray Mimicry) ह्यांची नक्कल करत मग, हनुमान चालीसा व हनुमान स्तोत्रही बोलून दाखवले. ह्या कार्यक्रमास राष्ट्रवादीचे प्रदेशाध्यक्ष जयंत पाटीलही (Jayant Patil) उपस्थित होते.

ह्या भाषणादरम्यान, मिटकरी ह्यांनी मंत्रोच्चार करून ब्राह्मण समाजाची खिल्ली उडविल्याचा आरोप करत आता ब्राह्मण सामाज मिटकरींविरोधात आक्रमक झालेला पाहायला मिळतोय. जालन्यामध्ये ब्राम्हण समाजानं राष्ट्रवादी आमदार मिटकरींच्या विरोधात जोरदार घोषणाबाजी केली आहे.

अमोल मिटकरी ह्यांनी उडवलेल्या खिल्लीमुळे समस्त ब्राम्हण समाजाच्या भावना दुखावल्या गेल्या आहेत. त्यानंतर, जालन्यात ब्राम्हण समाजाची एक बैठक झाली आणि या बैठकीनंतर अमोल मिटकरींविरोधात घोषणाबाजी करत त्यांचा निषेध करण्यात आला.