भीमा नदीपात्रात बोट उलटून सहा जण बेपत्ता

उजनी धरणाच्या जलाशयात भीमा नदीच्या पात्रात वादळी वाऱ्यामुळे बोट उलटल्याची घटना घडली आहे. या घटनेत सहा जण बुडाल्याची भीती व्यक्त करण्यात येत आहे. एक जण पोहत बाहेर आल्यानं त्याने ही माहिती ग्रामस्थांना दिली.

इंदापूर पोलिसांकडून बेपत्ता लोकांचा शोध सुरु करण्यात आला आहे. मिळालेल्या माहितीनुसार कुगाववरून कळाशीकडे काही प्रवासी घेऊन येत असताना अचानक आलेल्या वादळी वाऱ्याने बोट उलटून ही दुर्घटना घडली.