वांद्रे टर्मिनसवर चेंगराचेंगरी; नऊ प्रवासी जखमी; दोन जण गंभीर

वांद्रे रेल्वे स्टेशनवर प्रवाशांची चेंगराचेंगरी झाली आहे. या चेंगराचेंगरीत 9 प्रवाशी जखमी झाले आहेत.त्यातील दोन जण गंभीर जखमी असल्याची माहिती समोर येत आहे. या दुर्घटनेत जखमी झालेल्यांना भाभा रुग्णालयात दाखल करण्यात आले आहे. ही घटना मध्यरात्री ३ वाजण्याच्या सुमारास घडल्याची माहिती आहे.

माहितीनुसार, आज सकाळी 5.56 वाजता वांद्रे टर्मिन्सच्या फलाट क्रमांक 1 वर चेंगराचेंगरी झाली. वांद्रे टर्मिन्सवर प्लॅटफॉर्म क्रमांक 1 वर 22921 वांद्रे गोरखपूर एक्सप्रेस ही लागलेली होती. या ट्रेनमध्ये चढण्यासाठी मोठ्या प्रमाणात प्रवाशांची गर्दी झाली होती. यावेळी ट्रेनमध्ये चढत असताना मोठ्या प्रमाणावर चेंगराचेंगरी झाली.