BJP MLA Prasad Lad : प्रसाद लाड यांच्या घराबाहेर सापडली पैशांनी भरलेली बॅग

भाजपा आमदार प्रसाद लाड (Prasad Lad ) यांच्या माटुंग्यामधील घराबाहेर पैशांनी भरलेली बॅग सापडल्याची माहिती मिळाली आहे. या बॅगमध्ये पैशांसोबत सोने आणि चांदीच्या मूर्तीदेखील आहेत. याची माहिती मिळताच पोलीस घटनास्थळी दाखल झाले आहे.

या घटनेचा तपास सुरु केला असून ही बॅग नेमकी कोणी ठेवली याचा शोध घेतला जात आहे. हा चोरीचा मुद्देमाला असावा असा प्राथमिक संशय असून पोलीस तपास करत आहेत.

प्रकरण काय?

अज्ञात व्यक्तीने ठेवलली ही बॅग सुरक्षारक्षकाला आढळली. ही बॅग सापडल्यानंतर काही वेळासाठी भीती पसरली होती. यानंतर त्याने प्रसाद लाड यांना यासंदर्भात माहिती देण्यात आली. पोलीस सध्या तपास करत असून सीसीटीव्हीदेखील तपासलं जात आहे. पोलिसांनी घटनास्थळी पोहोचून तपास केला असता बॅगेत पैशांची नाणी तसंच सोने, चांदीच्या मूर्ती सापडल्या आहेत.