Salman Khan : बॉलीवूड अभिनेता सलमान खानला पुन्हा धमकी

बॉलीवूड अभिनेता सलमान खानला पुन्हा एक धमकी आल्याची माहिती मिळत आहे. यावेळी ट्रॅफिक कंट्रोलला पाठवलेल्या संदेशात ही धमकीची माहिती लिहिण्यात आली आहे. मेसेज पाठवणाऱ्या व्यक्तीने स्वतःला लॉरेन्स बिश्नोई टोळीच्या जवळचे असल्याचे सांगितले.

मुंबई वाहतूक पोलिसांच्या व्हॉट्सॲप नंबरवर एक धमकीचा संदेश आला असून, लॉरेन्स बिश्नोईशी असलेले त्याचे दीर्घकालीन वैर संपवण्यासाठी अभिनेता सलमान खानकडे 5 कोटी रुपयांची मागणी करण्यात आली असल्याची माहिती मिळत आहे.

हा मेसेज पाठवणाऱ्या व्यक्तीने सांगितले की, तो सलमान आणि लॉरेन्स गँगमध्ये समेट घडवून आणणार आहे. त्यासाठी त्याने पैसे मागितले आहेत आणि जर पैसे दिले नाहीत तर सलमान खानची अवस्था बाबा सिद्दीकीपेक्षाही वाईट होईल. मुंबई पोलिसांनी हे प्रकरण गांभीर्याने घेत या प्रकरणाचा तपास सुरू केला आहे.