Video : राऊत म्हणाले, खासदार सेनेचा होईल; कोल्हे म्हणतात विजय जनता ठरवेल

पुणे : संजय राऊत (Sanjay Raut) यांनी शिरुर मतदार केलेल्या भाषणाचा व्हिडिओ सध्या मोठ्या प्रमाणात व्हायरल होतोय. संजय राऊत एका कार्यक्रमात बोलत असताना म्हणाले की, संसदेत आमचा प्रतिनिधी नाही याचं दु:ख आम्हालाही आहे. मात्र आढळराव पाटलांना मी सांगू इच्छितो की, तुम्ही संसदेत जाल. अनेक दरवाजे आहेत, या नाही तर त्या दरवाजाने जाल आणि माझा आत्मविश्वास तर तुम्हाला माहितीच आहे असं संजय राऊत म्हणाले. त्यावर आता अमोल कोल्हेंनीही (Amol Kolhe) या मुद्दयावर भाष्य केलं आहे.

नेता कोण असेल हे जनता ठरवते असं म्हणत अमोल कोल्हेंनी नाव न घेता संजय राऊतांना प्रत्युत्तर दिलं आहे. निवडणूक हे केवळ माध्यम आहे, पद हे केवळ साधन आहे आणि विकास हे साध्य आहे ही शरद पवारांची शिवकण आहे. शिरूर मतदार संघाच्या मतदारांनी माझ्यावर विश्वास ठेवून मला निवडून दिलंय. मात्र 2024 च्या निवडणुकीचा निकाल 2022 साली सांगण्यास मी कुणी भविष्यवेत्ता नाही असं म्हणत अमोल कोल्हेंनी टोला लगावला आहे.