अमिताभ गुप्तांची ९० तासात पुन्हा बदली

राज्यात झालेल्या पोलीस अधिकाऱ्यांच्या बदल्यात फेरबदल करण्यात आला. राज्याचे उपमुख्यमंत्री आणि गृहमंत्री देवेंद्र फडणवीस यांनी चार दिवसातच दुसऱ्यांदा वरिष्ठ आयपीएस अधिकारी आणि पुण्याचे माजी पोलीस आयुक्त अमिताभ गुप्ता यांची शनिवारी पुन्हा बदली केली. पुण्याचे पोलीस आयुक्त अमिताभ गुप्ता यांचाही समावेश असून त्यांच्यावर अपर पोलीस महासंचालकपदाची (कायदा व सुव्यवस्था) जबाबदारी सोपवण्यात आली होती. मात्र यास चार दिवस पूर्ण होण्याच्या आतच गुप्ता यांची पुन्हा बदली करण्यात आली आहे.

अमिताभ गुप्ता हेच आहेत ज्यांनी ज्यांनी कोरोना काळात लॉकडाऊन मध्ये प्रसिद्ध बिल्डर वाधवान कुटुबींयांना मुंबईहून महाबळेश्वरला जाण्यासाठी मदत केली होती. गुप्ता यांची जवळीक राष्ट्रवादीच्या बड्या नेत्यांशी असल्याने फडणवीस यांनी बदली केल्याचे म्हटले जात आहे.

गुप्ता यांची नियुक्ती अप्पर पोलीस महासंचालक आणि महानिरिक्षक कारागृह व सुधार सेवा महाराष्ट्र राज्य, पुणे येथे करण्यात आली आहे. तर गुप्ता यांच्या जागी पुण्याचे नवे पोलीस आयुक्त म्हणून रितेश कुमार यांची बदली करण्यात आली आहे.