Harbour Railway: तब्बल ४ तासांनंतर हार्बर रेल्वेची वाहतूक पूर्वपदावर

सीएसएमटी स्थानकाजवळ हार्बर लाइन वरील प्लॅटफॉर्म नंबर दोनवर जाणाऱ्या एका लोकलचा डबा घसरला होता. सकाळी 11:35ची ही लोकल पनवेलवरून सीएसएमटी स्थानकवर जात होती, त्याआधीच एक डब्बा रुळावरून घसरला.

लोकलचा वेग कमी असल्यामुळे कोणत्याही प्रवाशाला दुखापत झाली नाही. अशी माहिती मध्य रेल्वेने दिली आहे. हार्बर आणि मुख्य मार्गावरील वाहतूक यामुळे बंद केल्या आहे. मात्र, आता वाहतूक अखेर सुरू झाली आहे. रुळावरून घसरलेला हा डबा रेल्वे प्रशासनाकडून ४ तासांनी बाजूला करण्यात आला. तब्बल ४ तासांनंतर हार्बर रेल्वेची वाहतूक पूर्वपदावर आली. त्यामुळे मुंबई लोकलने प्रवास करणाऱ्या प्रवाशांनी सुटकेचा निश्वास घेतला.