रायगड किल्ल्यावर पिंडदान करणाऱ्यावर कारवाई करावी - विनोद पाटील

सचिन बडे, औरंगाबाद : रायगड किल्ल्यावर पिंडदान करणाऱ्या समाज विघातक वृत्तीचा मी जाहीर निषेध करतो तसेच हे पिंडदान करणाऱ्यावरती कठोरात कठोर कायदेशीर कारवाई करावी. अशी मागणी मराठा आरक्षणाचे याचिका करता विनोद पाटील यांनी केली आहे.

कोरोना काळामध्ये रायगड किल्ल्यावरती शिवभक्तांना जाण्यासाठी एक पत्र काढून जिल्हाधिकारी यांनी बंदी घातली होती. मात्र त्या ठिकाणी पिंडदान झाले याची सर्वस्वी जबाबदारी जिल्हाधिकारी महेंद्र कल्याणकर यांच्यावरती निश्चित करून (यांचे कनिष्ठ अधिकारी व कर्मचारी यांच्यावरती नाही) कठोरात कठोर कारवाई करण्यात यावी तसेच हे प्रकरण उघडकीस आणणारे शिवभक्त यांनी समोर येऊन पुरावे सादर करावे असे म्हणत मुख्यमंत्री एकनाथ शिंदे आणि माननीय उपमुख्यमंत्री देवेंद्र फडणवीस यांनी तात्काळ जिल्हाधिकारी महेंद्र कल्याणकर यांच्यावर कायदेशीर कारवाई करून त्यांची उचल बांगडी करावी अशी मागणी मराठा आरक्षणाचे याचिका करता विनोद पाटील यांनी केली आहे.