कोल्हापुरात आठ फूट उंच महिलेची दहशत, पाहा नेमकं प्रकरण काय?

एखाद्या चित्रपटात शोभावे असे कथानक सध्या कोल्हापुरात पाहायला मिळत आहे. कोल्हापुरात सध्या एका महिलेची दहशत पाहायला मिळत आहे. ही महिला साधीसुधी नसून साधारण 8 फुटांची असल्याचा अंदाज लावला जात आहे. ही महिला रात्रीच दिसत असल्यामुळे परिसरामध्ये दहशतीचं वातावरण पाहायला मिळत आहे.

थोडक्यात

• आठ फूट उंच महिला सीसीटीव्हीत कैद...

• व्हिडिओ शूटिंग करणाऱ्या तरुणाचा मोबाईल महिलेने फोडला

• रात्रीच्या अंधारात फिरणारी महिला दिवसभर मात्र गायब

• सानेगुरुजी वसाहतीमधील नागरिकांमध्ये घबराट

कोल्हापुरात आठ फूट उंच महिला सीसीटीव्हीत कैद झाली आहे. व्हिडिओ शूटिंग करणाऱ्या तरुणाचा मोबाईल महिलेने फोडला असल्याची माहिती मिळत आहे. रात्रीच्या अंधारात फिरणारी महिला दिवसभर मात्र गायब असते. सानेगुरुजी वसाहतीमध्ये हा प्रकार घडत असल्याचे कळत आहे. त्यामुळे येथील नागरिकांमध्ये घबराटीचे वातावरण पाहायला मिळत आहे. गेल्या दोन महिन्यांपासून या परिसरात भूतप्रेत फिरत असल्याची अफवा पसरली होती. मात्र, आता अखेर आठ फूट उंच महिला सीसीटीव्हीत कैद झाल्यामुळे चर्चांना उधाण आलं आहे. पोलिसांकडून महिलेचा शोध सुरू आहे.