छत्रपती संभाजीनगरमध्ये 425 किलो भेसळयुक्त खवा जप्त

थोडक्यात...

छत्रपती संभाजीनगरमध्ये 425 किलो भेसळयुक्त खवा जप्त

मिटमिटा परिसरात असलेल्या उस्मानिया कॉलनीत हा प्रकार उघडकीस आला.

या प्रकरणात गिरेनसिंग बच्चनलालसिंग याला ताब्यात घेतले

सचिन बडे, छत्रपती संभाजीनगर

छत्रपती संभाजीनगरमध्ये 425 किलो भेसळयुक्त खवा जप्त करण्यात आला आहे. पोलिसांनी मिल्क अँड डेअरी प्रॉडक्टच्या नावाखाली सुरू असलेल्या कारखान्यावर छापा टाकून 425 किलो भेसळयुक्त खवा जप्त केल्याची माहिती मिळत आहे.

छत्रपती संभाजीनगरातील मिटमिटा परिसरात असलेल्या उस्मानिया कॉलनीत हा प्रकार उघडकीस आला. कारखान्यावर छापा टाकून भेसळयुक्त खवा जप्त केल्याची माहिती निरीक्षक शिवचरण पांढरे यांनी दिली आहे.

या प्रकरणात गिरेनसिंग बच्चनलालसिंग याला ताब्यात घेतले असून त्याच्याविरुद्ध यापूर्वीदेखील भेसळयुक्त खवाप्रकरणी छावणी ठाण्यात गुन्हा दाखल आहे.