वर्ध्यात वन्यप्राण्यांची शिकार

वर्ध्यात वन्यप्राण्यांची शिकार होत असल्याची धक्कादायक माहीती समोर येत आहे. वर्ध्यातील पोहना वनक्षेत्रात 4 ते 5 दिवसापासून वन्यप्राण्याची शिकार होत असल्याची गोपनीय माहिती वनविभागाला मिळताच वनविभागाच्या कर्मचाऱ्यांकडून सापळा रचण्यात आला. पोलिसांनी रचलेल्या या सापळ्यात ३ जाणांना अटक करण्यात आली आहे. अजय मेहबूब काळे वय 27 वर्ष,निळकंठ पंजाब पवार वय 28 वर्ष ,अनिल गुलाब पवार अशी अटक केलेल्या आरोपींची नावे आहेत.

आरोपींच्या तपासणी नंतर त्यांच्याकडून 9 ससा ,1 तितर, 1 लावा ,असे वन्यप्राणी आढळून आले तर तिघांकडून शिकारीचे साहित्य मिळून आले,तर दुचाकी जप्त करण्यात आली. तर आरोपींना विचारणा केली असता मौजा- मांढरी ,तालुका- वरोरा, जिल्हा चंद्रपूर या परिसरातून हे वन्यप्राणी आणले असल्याची कबुली दिली. या प्रकरणी तिघांनाही ताब्यात घेऊन त्यांच्या विरुद्ध वन्यजीव संरक्षण अधिनियम वनगुन्हा दाखल करण्यात आला.