Mamata Banerjee Mumbai Visit;पश्चिम बंगालच्या मुख्यमंत्री ममता बॅनर्जी आज मुंबई दौऱ्यावर

मुंबई : पश्चिम बंगालच्या मुख्यमंत्री ममता बॅनर्जी आजपासून मुंबई दौऱ्यावर असणार आहे. दोन दिवसाच्या या दौऱ्यासाठी आज संध्याकाळी ममता बॅनर्जी मुंबईत दाखल होणार आहे.
मुंबईत दाखल झाल्यानंतर त्या सिद्धिविनायक मंदिरात दर्शनासाठी जाणार आहे. या दौऱ्यात बॅनर्जी या राष्ट्रवादी काँग्रेसचे अध्यक्ष शरद पवार यांची भेट घेणार आहे.

तसेच ममता या मुख्यमंत्री उद्धव ठाकरे यांनाही भेटणार असून बुधवार 1 डिसेंबर रोजी उद्योग जगतातील मान्यवरांशी चर्चा करणार आहे.दरम्यान ममता बॅनर्जींच्या भेटीनं महाराष्ट्राचं राजकारण ढवळून निघणार का अशी चर्चा आता सुरु झाली आहे.