”वैभव नाईक फुकटे आमदार आहेत”, निलेश राणेंची टीका

शिवसेनेच्या वर्धापनदिनानिमित्त आज आमदार वैभव नाईक यांनी भाजपच्या पेट्रोल पंपावरून स्वस्तात पेट्रोल वाटपाचा उपक्रम आखला होता. या उपक्रमावरून भाजप-शिवसेनेत मोठा राडा झाला होता. या राड्यावर आता माजी खासदार तथा भाजपचे युवा नेते निलेश राणे यांनी प्रतिक्रिया दिली आहे.

शिवसैनिक म्हणून नाही राणे विरोधावरच वैभव नाईकांची ओळख आहे.राणेच्या विरोधावरच आमदार वैभव नाईकांचे अस्तित्व आहे त्यांना शिवसैनिक म्हणून कोणी ओळखत सुध्दा नाही.ते फुकटे आमदार आहेत.आमच्या कुडाळातील पेट्रोलपंपावर बाहेर राहून पेट्रोल वाटपाची स्कीम राबवत होते.मात्र आमच्या लोकांनी त्यांना हाकलून लावले असा टोला माजी खासदार तथा भाजपचे युवा नेते निलेश राणे यांनी लगावला.

राणे पुढे म्हणाले, खाजगी पंपावर शिवसेनेचा उपक्रम राबवणारे आमदार नाईक हे फुकटे आहेत.अन्य लोकांनी उधारीवर पेट्रोल नाकारल्याने ते आमच्या पंपावर आले होते असा हल्लाबोल राणे यांनी केला.