साताऱ्यात अवकाळी पाऊस; वीज कोसळून 3 जणांचा मृत्यू

रविवारी राज्यातील अनेक भागात अवकाळी पावसाने हजेरी लावली. साताऱ्यात झालेल्या मुसळधार पावसात खंडाळा आणि माण तालुक्यात वीज पडून 3 जणांचा मृत्यू झाला आहे. तर दोन ठिकाणी वीज पडन मंदिर आणि घराचे नुकसान झाले आहे.

जिल्ह्यात रविवारी संध्याकाळच्या सुमारास सातारा शहरासह ग्रामीण भागात विजेच्या कडकडाटासह पावसाने हजेरी लावली. अवकाळी झालेल्या पावसामुळे लोकांची एकच त्रेधातिरपट उडाली. खंडाळा आणि माण तालुक्यात एका महिलेसह तीन जणांचा वीज कोसळून मृत्यू झाला आहे.

तर सातारा शहरातील प्रतापगंजपेठेत एका घराच्या टेरेसवर वीज कोसळली. वीज कोसळल्यामुळे भिंतीला भलेमोठे भगदाड पडले आहे. तर कळंबे गावातील मंदिराच्या शिखरावर वीज पडल्यामुळे मंदिराचे नुकसान झाले आहे.