भिवंडी पूर्व विधानसभासाठी ठाकरे गट आक्रमक; सर्व पदाधिकारी मातोश्री कडे रवाना

समाजवादी पक्षाने महाविकास आघाडीत पाच जागांची मागणी केलेली आहे आणि त्यानुसार महाविकास आघाडीचे उमेदवार म्हणून रईस शेख यांची घोषणा केली आहे. तर शिवसेना शिंदे पक्षाने भाजपाने आलेल्या संतोष शेट्टी यांना पक्ष प्रवेश देऊन त्यांची उमेदवारी निश्चित केली.

त्यामुळे 2019 मध्ये अवघ्या 1314 मतांनी पराभूत झालेले शिवसेनेचे रुपेश म्हात्रे यांची गोची झाली आहे. शिवसेनेतील बंडा नंतर रुपेश म्हात्रे हे उध्दव बाळासाहेब ठाकरे यांच्या सोबत राहिले. परंतु त्यांची उमेदवारी अजून ही जाहीर न केल्याने शिवसैनिक आक्रमक असून सर्वांनी त्यांची उमेदवारी पक्षप्रमुख यांनी जाहीर करावी अशी मागणी केली आहे. त्यामुळे आपल्या मागणी साठी सर्व शिवसेना पदाधिकारी मातोश्री कडे मोठ्या संख्येने रवाना झाले आहेत.