भरधाव ट्रकची बैलगाडीला धडक; सहा शेतकरी गंभीर जखमी

गजानन वाणी । हिंगोलीमध्ये भरधाव वेगाने जाणाऱ्या ट्रकने बैलगाडीला धडक दिल्याची घटना घडली आहे.सेनगाव रिसोड राष्ट्रीय महामार्गावर ही घटना घडली या घटनेत बैलांसह सहा शेतकरी गंभीर जखमी झाले आहेत. दरम्यान या घटनेप्रकरणी सेनगाव पोलीस ठाण्यात गुन्हा दाखल करण्याची प्रक्रिया सुरू आहे.

पानकनेरगाव येथील शेतकरी बैलगाडीने सेनगाव रिसोड राष्ट्रीय महामार्गावर जात असताना भरधाव वेगाने जाणाऱ्या ट्रकने बैलगाडीला धडक दिली. या घटनेत सहा शेतकरी जमखी झाले. यात तीन पुरुष व तीन महिला होत्या. हे शेतकरी शेतात जात असताना ही घटना घडली आहे या अपघातप्रकरणी सेनगाव पोलीस ठाण्यात नोंद करण्यात आली असून गुन्हा दाखल करण्याची प्रक्रिया सुरू असल्याची माहिती पोलिसांनी दिली आहे.