राज्यातील वरिष्ठ आयपीएस अधिकाऱ्यांच्या बदल्या, 'या' अधिकाऱ्यांना मिळाली बढती

राज्यातील वरिष्ठ आयपीएस अधिकाऱ्यांच्या बदल्या झाल्या असून त्यासंबंधित शासन आदेश जारी करण्यात आला आहे. मुंबईचे सहपोलिस आयुक्त विश्वास नागरे पाटील यांचीही बदली, नागरे पाटील यांना एसीबीच्या अप्पर पोलीस महासंचालकपदी बढती. तर मीरा भाईदरचे पोलीस आयुक्त सदानंद दाते यांना राज्याच्या दहशतवादीविरोधी विभागाच्या अप्पर पोलीस महासंचालकपदी नियुक्त करण्यात आलंय.

यासोबतच मिलिंद भारंबे नवी मुंबईचे नवे पोलीस आयुक्त पुण्याचे पोलीस आयुक्त अमिताभ गुप्ता यांची बदली करत त्यांना राज्याच्या कायदा व सुव्यवस्था विभागाच्या अप्पर पोलीस महासंचालकपदी नियुक्त करण्यात आलंय.अमरावतीच्या पोलीस आयुक्त आरती सिंग यांचीही बदली. पिंपरी चिंचवडचे पोलीस आयुक्त अंकुश शिंदे यांची बदली करून त्यांच्याजागी विनयकुमार चौबे यांना नेमण्यात आलंय.