अकोलेतील आश्रमशाळेत जळत्या लाकडाने विद्यार्थ्यांना मारहाण

आदेश वाकळे | नगर : अहमदनगर जिल्ह्यातून धक्कादायक घटना घडली आहे. अकोले तालुक्यातील शिरपुंजे येथील आश्रम शाळेतील 5 वी ते 6 वीतील सहा विद्यार्थ्यांना आश्रमशाळा अधीक्षकाने शेकोटी पेटवली म्हणून जळत्या लाकडाने अमानुष बेदम मारहाण केली आहे. अश्विन पाईकराव असे आश्रमशाळा अधीक्षकाचे नाव आहे.

यावेळी काही विद्यार्थ्यांना दुखु लागल्याने त्यांना राजुर ग्रामीण रुग्णालयात दाखल करण्यात आले आहे. दरम्यान, या अधीक्षकाना निलंबित करण्याची मागणी पालकांनी केली आहे. अकोले तालुक्याचे आमदार डाॅ. किरण लहामटे यांनी तातडीने रुग्णालयात जाऊन विद्यार्थ्यांची भेट घेतली व या घटनेची गंभीर दखल घेतली असून अधीक्षकावर कारवाई करून त्यांना निलंबित करण्याच्या सूचना दिल्या आहेत.