घरफोडी करणाऱ्या टोळीला घेतले ताब्यात

भूपेश बारंगे, वर्धा
वर्धा शहरात विविध भागात तब्बल पाच घरफोड्या करणाऱ्या टोळीला नागपूर येथून अटक करण्यात आली आहे. वर्धा स्थानिक गुन्हे शाखेच्या पोलिसांनी ही कारवाई केली असून तिघांना अटक करण्यात आली आहे.

वर्ध्याच्या लहानुजी नगर येथे घरफोडी झाली होती. घराचे कुलुप तोडून कपाटामधील नगदी 1,20,000 रू. चोरले होते. शहरात वारंवार होणाऱ्या घरफोडीच्या घटना लक्षात घेऊन शोध पथक नेमण्यात आले. पोलिसांनी नागपूर येथे आरोपीचा शोध घेतला. वर्धा पोलिसांनी नागपूर येथे तिघांना ताब्यात घेतले.

तिन्ही आरोपी मध्य प्रदेशातील असल्याचे समोर आले आहे. पोलिसांनी खडकसिंग उर्फ राकेष गुंगा उर्फ रामसिंग अलावा, पारस रतन मंडोई, वेलसिंग दुर्जन बामनीया भिल्ल, मध्य प्रदेश या तिघांना अटक करण्यात आली आहे. ही कारवाई पोलीस अधीक्षक प्रशांत होळकर यांच्या मार्गदर्शनाखाली स्थानिक गुन्हे शाखेने केली.