अंगारकी चतुर्थीनिमित्त रांजणगाव गणपती येथे दर्शनासाठी भाविकांची गर्दी

आज अंगारक संकष्टी चतुर्थी निमित्त पुणे जिल्ह्यातील अष्टविनायक महागणपती रांजणगाव येथे भाविकांनी लाडक्या बाप्पाच्या दर्शनासाठी गर्दी केली. खरंतर कोरोनामुळे मंदिरे बंद असल्याने भाविकांना मंदिराच्या बाहेरुनच दर्शन घ्यावे लागत असून भाविकांकडून लाडक्या बाप्पाच्या चरणी जगावरती आलेले कोरोनाचे संकट लवकरात लवकर दुर होण्याची प्रार्थना केली.

मंदिर परिसरात वेगवेगळ्या फुलांची सजावट करण्यात आली होती,तसेच गणपती मंदिराच्या गाभाऱ्यात आकर्षक अशा फुलांची आरास करण्यात आली आहे.