वसंत मोरेंच्या महाआरतीला राज ठाकरे हजेरी लावणार का?

औरंगाबादच्या सभेनंतर मनसे अध्यक्ष राज ठाकरे (Raj Thackeray) यांनी पुकारलेल्या भोंग्यांच्या आंदोलनावरुन वातावरण तापलं आहे. राज ठाकरे यांनी मुंबई, ठाणे आणि औरंगाबादमध्ये केलेल्या भाषणांमध्ये इशारा दिल्याने यात आणखी भर पडली. दरम्यान या सर्व घडामोडींमध्ये राज ठाकरेंचे कट्टर समर्थक आणि पुण्याचे माजी शहराध्यक्ष वसंत मोरे (vasant more) आंदोलनांत सहभागी नसल्याने विविध चर्चाना उधाण आले होते. त्यानंतर आता मोरेंनी आज पुण्यात महाआरतीचं आयोजन केलं आहे. महत्वाचं म्हणजे राज ठाकरे पुन्हा तीन दिवसांच्या पुणे दौऱ्यावर आहेत.

पुण्यातील पक्षांतर्गत गटबाजी आणि काही पदाधिकाऱ्यांची नाराजी दूर करणार असल्याची प्राथमिक माहिती आहे. त्यामुळे राज ठाकरे पुण्याच्या दौऱ्यावर असतानाच मोरेंनी आरंभलेल्या महाआरतीकडे सर्वांचं लक्ष्य लागलं आहे.