PM Modi in Sindhudurg : पंतप्रधान मोदी आज सिंधुदुर्ग जिल्ह्यात; नौदल दिनाच्या कार्यक्रमात राहणार उपस्थित

पंतप्रधान मोदी आज सिंधुदुर्ग जिल्ह्याच्या दौऱ्यावर जाणार आहेत. नौदल दिनाच्या कार्यक्रमात पंतप्रधान नरेंद्र मोदी उपस्थित राहणार आहेत. मोदी तारकर्ली इथं नौसेना दिनानिमित्त होणाऱ्या प्रात्यक्षिकांना हजर राहणार आहेत. यावेळी पंतप्रधान मोदी संबोधित करणार आहेत.

पंतप्रधानांच्या हस्ते छत्रपती शिवाजी महाराजांच्या पुतळ्याचे अनावरण करण्यात येणार आहे. पंतप्रधान नरेंद्र मोदी अंदाजे 3.40 वाजण्याच्या सुमारास चिपी विमानतळावर दाखल होतील.

यासोबत पंतप्रधान सिंधुदुर्ग किल्ल्यावर जाणार आहेत. या दौऱ्याच्या निमित्ताने मालवण तारकर्लीतल्या बाजारपेठ बंद राहणार आहेत.