Nidhi Chaudhary | पुन्हा बदली; निधी चौधरींची मुंबई उपनगरच्या जिल्हाधिकारी पदी नियुक्ती

महाडमधील तळीयेतील दुर्घटना झाल्यानंतर रायगडच्या जिल्हाधिकारीपदावरून निधी चौधरी यांची बदली करत मुंबईच्या आयटी संचालकपदी नियुक्ती केली होती. मात्र, अवघ्या चारच दिवसात त्यांची पुन्हा बदली करण्यात आली आहे. आता त्यांची नियुक्ती उपनगरच्या जिल्हाधिकारी म्हणून करण्यात आली आहे.

महाडमधील तळीयेतील दुर्घटना झाल्यानंतर निधी चौधरी यांची दिनांक 20 ऑगस्ट रोजी बदली करण्यात आली होती. रायगडच्या जिल्हाधिकारीपदावरून त्यांना थेट मुंबईच्या आयटी संचालकपदी नियुक्ती करण्यात आली होती. मात्र, आज निघालेल्या ऑर्डरनुसार त्यांची पुन्हा एकदा बदली करण्यात आली आहे. आता निधी चौधरींची थेट मुंबई उपनगरच्या जिल्हाधिकारीपदी नियुक्ती करण्यात आली आहे.