Mumbai : मुंबईत मुसळधार पावसाला सुरुवात; पावसाचा जोर आणखी वाढण्याची शक्यता

मुंबईत मुसळधार पावसाला सुरुवात झाली आहे. पावसाचा जोर आणखी वाढण्याची शक्यता वर्तवण्यात येत आहे. सखल भागामध्ये पाणी साचायला सुरूवात झाली आहे. पुढील 24 तासात मुंबई शहर आणि उपनगरात मुसळधार पावसाचा अंदाज हवामान विभागाकडून देण्यात आला आहे.

रात्रभर पावसानं मुंबईसह उपनगराला झोडपलं. आता काही ठिकाणी अति मुसळधार पाऊस कोसळणार असल्याची शक्यता असून वाऱ्याचा वेग ही वाढण्याची शक्यता आहे.

वारे ताशी 60 ते 70 किलोमीटर वेगाने वाहणार असल्याचा अंदाज हवामान खात्याचा वर्तवला आहे. नागरिकांना घराबाहेर पडताना काळजी घेण्याचं आवाहन करण्यात आले असून काही तासात पावसाच्या जोर आणखी वाढण्याची शक्यता हवामान खात्याकडून वर्तवण्यात आली आहे.