पैठणच्या वडवाळीतील रस्ता चिखलमय… स्थानिक हैराण

पैठण तालुक्यातील वडवाळी येथील खळवाडी हा मुख्य रस्ता चिखलमय होत आसल्याने शेतकऱ्यांना व वस्तीवर रहाणाऱ्या नागरिकांना चिखलातून वाट काढावी लागत आहे. नागरिकांनी वेळोवेळी ग्रामपंचायतीला कळवले आहे.

मात्र ग्रामपंचायतीच्या हालगर्जीपणामुळे अनेक दिवसांपासून रस्त्याची दुरवस्था झाली आहे. वडवाळी येथील गावकऱ्यांचा शेतात जाण्याचा मुख्य रस्ता असल्याने आनेक वस्त्यांना जोडला जातो. हा रस्ता मजबूत नसल्यामुळे शेतकऱ्यांना व वस्तीवर जाणाऱ्या नागरिकांना चिखल तुडवत वाट काढावी लागत आसल्याने नागरीकातुन नाराजी व्यक्त केली जात आहे.

येत्या दोन दिवसात रस्ता करा, अन्याथा ग्रामपंचायत कार्यालयासमोर शेतकरी व वस्त्यांमधील नागरीक उपोषण करतील, असा इशारा नागरीकांनी दिला.