Raj Thackeray : आजपासून मनसे अध्यक्ष राज ठाकरे यांचा महाराष्ट्र दौरा

विधानसभा निवडणुकीसाठी सर्वच राजकीय पक्ष तयारीला लागले आहेत. विधानसभा निवडणुकीच्या पार्श्वभूमीवर अनेक दौरे, बैठका घेण्यात येत आहेत. याच पार्श्वभूमीवर आजपासून मनसे अध्यक्ष राज ठाकरे महाराष्ट्र दौऱ्यावर असणार आहे.

विधानसभा निवडणुकीच्या पार्श्वभूमीवर राज ठाकरे यांचा दौरा असणार आहे. याच्याआधी राज ठाकरे यांनी विदर्भ, मराठवाडा दौरा केला होता. विधानसभेसाठी स्वबळाचा नारा दिल्यानंतर राज ठाकरे यांचे महाराष्ट्रात ठिकठिकाणी दौरे होत आहेत.

राज ठाकरे 6 ऑक्टोबरला नाशिक तर 7 ऑक्टोबरला पुणे दौऱ्यावर असणार आहेत. 225 ते 250 जागा लढवण्याचा मनसेचा निर्धार असल्याची माहिती मिळत आहे. इच्छुक उमेदवारांसोबत राज ठाकरेंची बैठक होणार आहे.

मनसेचा कार्यकर्त्यांचा मेळावा पुढील आठवड्यात होणार असल्याची माहिती मिळत असून या मेळाव्यात विधानसभा निवडणुकीच्या अनुषंगाने मनसे अध्यक्ष राज ठाकरे मार्गदर्शन करणार करतील. तसेच मनसेची विधानसभेची पहिली यादी पुढील आठवड्यात जाहीर होण्याची शक्यता वर्तवण्यात येत आहे.