राज्यात दिवसभरात ४,७८० रुग्ण कोरोनामुक्त; १४५ जणांचा मृत्यू

राज्यात कोरोनाची दुसरी लाट ओसरताना दिसत आहे. मात्र राज्यात आढळून येणाऱ्या कोरोनाच्या दैनंदिन आकडेवारीत चढ-उतार पाहायला मिळत आहे. आज राज्यात ४ हजार ७८० रुग्णांनी कोरोनावर मात केली आहे. आजपर्यंत राज्यात ६२ लाख ३१ हजार ९९९ रुग्ण कोरोनातून बरे होऊन घरी गेले आहेत. यामुळे राज्यात रुग्ण बरे होण्याचे प्रमाण ९७ टक्के एवढे झाले आहे.

राज्यात आज ४ हजार १४१ नवीन कोरोना रुग्ण आढळले आहेत. तर १४५ कोरोना बाधित रुग्णांचा मृत्यू झाला आहे. सध्या राज्यातील मृत्यूदर २.११ टक्के एवढा आहे. राज्यात आज रोजी एकूण ५३ हजार १८२ बाधित रुग्ण आहेत. आजपर्यंत तपासण्यात आलेल्या ५,२२,९२,१३१ प्रयोगशाळा नमुन्यांपैकी ६४,२४,६५१ नमुने पॉझिटिव्ह आले आहेत.