काँग्रेसच्या झिशान सिद्दिकी यांनी घेतली अजित पवारांची भेट; म्हणाले...

काँग्रेसच्या झिशान सिद्दिकी यांनी अजित पवार यांची भेट घेतली आहे. झिशान आणि बाबा सिद्दिकी यांनी देवगिरीवर अजित पवार यांची भेट घेतली. या भेटीमुळे आता राजकीय वर्तुळात चर्चांना उधाण आलं आहे. झिशान सिद्दिकी यांनी सोमवारी राष्ट्रवादीच्या जनसन्मान यात्रेत हजेरी लावली होती. त्यानंतर आज त्यांनी अजित पवार यांची भेट घेतली.

अजित पवार यांची भेट घेतल्यानंतर झिशान सिद्दिकी म्हणाले की, मी आमदार आहे आणि माझ्या मतदारसंघात असलेल्या विविध काम आहेत आणि त्यासाठी मी दादांची भेट घेतली. काँग्रेसची नाराजगी असेल तर त्यांना विचारले पाहिजे. जी रॅली मी काल घेतली 4 दिवसांपूर्वी वर्षा गायकवाड यांनी तिथेच रॅली घेतली होती.

मी तिथला स्थानिक आमदार असून मला आमंत्रण करण्यात नव्हते आले. मी जर उपमुख्यमंत्री अजित पवार यांच्या जनसमान यात्रेमध्ये सहभागी होतो यात काही चुकीचं नाही. पक्षप्रवेश संदर्भात अद्याप विचार नाही, जनता ठरवेल. पण बांद्रा पूर्व इथून निवडणूक लढवणार आणि जिंकणार नक्की. असे झिशान सिद्दिकी म्हणाले.