Vijay Wadettiwar : मी पुन्हा येऊ शकत नाही ही भूमिका पटल्याने ट्विट डिलीट

भाजप महाराष्ट्र या अधिकृत ट्विटर हॅण्डलवरुन सूचक ट्विट करण्यात आले आहे. यात देवेंद्र फडणवीसांचा एक व्हिडीओ शेअर केला असून नवमहाराष्ट्राच्या नवनिर्मितीसाठी मी पुन्हा येईन, असे कॅप्शनमध्ये लिहीले आहे. या ट्विटवरुन राजकीय वर्तुळात तर्क-वितर्कांना उधाण आले आहे.

यावर राजकीय वर्तुळातून अनेक प्रतिक्रिया येत आहेत. याच पार्श्वभूमीवर आता विजय वडेट्टीवार यांनी प्रतिक्रिया दिली आहे. विजय वडेट्टीवार म्हणाले की, मी पुन्हा येणार असं ट्विट केलं होतं तर कदाचित ते डिलीट करताना मी पुन्हा येऊ शकत नाही ही भूमिका पटल्याने त्यांनी डिलीट केलं असेल.

ज्यावेळी ते म्हणतात मी येईल त्यावेळी ते येत नाही. दोघेजण बाशिंग बांधून मुख्यमंत्री पदाच्या शर्यतीत आहेत. राज्यात सत्तांतर होईल. हे जे सरकार सुरू आहे केवळ अध्यक्षांच्या मर्जीवर सुरू आहे. काहीतरी शिजत आहे, पुढची तयारी करत असताना हा सहज निघालेला ट्विट असे मी मानतो. असे वडेट्टीवार म्हणाले.