Ajit Pawar : रोहित पवार अजित पवारांच्या पाया पडले, दादा म्हणाले...

कराडमधील प्रीतीसंगमावर अजित पवार आणि रोहित पवार यांची भेट झाली. यावेळी रोहित पवार यांनी अजित पवारांच्या पाया पडून नमस्कार केला. यशवंतराव चव्हाण यांचा आज 40 वा स्मृतिदिन आहे. यानिमित्त कराडमधील प्रीतीसंगमावर यशवंतराव चव्हाण यांना अभिवादन करण्यासाठी अजित पवार आणि रोहित पवार देखील आले होते.

यावेळी रोहित पवार आणि अजित पवार यांची भेट झाली. याच पार्श्वभूमीवर भेटीबाबत बोलताना अजित पवार म्हणाले की, आपल्या इथं पद्धत आहे. मराठी संस्कृती आहे. आम्ही पण जर लवकर आलो असतो तर साहेबांची भेट झाली असती. आपल्यामध्ये वडिलधाऱ्याचे दर्शन घेतात. असे अजित पवार म्हणाले.