PM Narendra Modi: आषाढी एकादशीच्या शुभेच्छा देत पंतप्रधान मोदींचे ट्विट; म्हणाले...

आज आषाढी एकादशी आहे. राज्यभरातील विठ्ठल मंदिरामध्ये भाविकांनी दर्शनासाठी खूप गर्दी केली आहे. रात्रभर भाविक दर्शनासाठी रांगेत उभे आहेत. विठ्ठल नामाचा गजर या मंदिरामध्ये सुरु आहे. याच पार्श्वभूमीवर पंतप्रधानांकडून जनतेला आषाढी एकादशीच्या शुभेच्छा देण्यात आल्या आहेत. भगवान विठ्ठलाचे आशीर्वाद नेहमीच आपल्यासोबत असू देत. आपल्या सर्वांना आनंद आणि समृद्धीने परिपूर्ण समाजाची उभारणी करण्याची प्रेरणा मिळू दे असे पंतप्रधान नरेंद्र मोदी म्हणाले.

आषाढी एकादशीच्या शुभेच्छा देत पंतप्रधान नरेंद्र मोदी म्हणाले की, आषाढी एकादशीच्या हार्दिक शुभेच्छा! भगवान विठ्ठलाचे आशीर्वाद नेहमीच आपल्यासोबत असू देत आणि आपल्या सर्वांना आनंद आणि समृद्धीने परिपूर्ण समाजाची उभारणी करण्याची प्रेरणा मिळू दे. या उत्सवामुळे आपल्यामध्ये भक्तीभाव, नम्रता आणि करुणा वाढीला लागू दे. अतिशय प्रामाणिकपणे गरिबातील गरिबाची सेवा करण्यासाठी देखील आपल्याला प्रेरणा मिळू दे.