रस्त्यावरील गाड्यांचे फोटो पाठवणाऱ्याला 500 रुपयांचे बक्षीस; मालकाला दंड, नितीन गडकरींची घोषणा

Law On Wrongly Parked Vehicle : केंद्रीय रस्ते वाहतूक आणि महामार्ग मंत्री नितीन गडकरी (Nitin Gadkari) म्हणाले की, रस्त्यावर पार्क केलेल्या वाहनास 1,000 रुपये दंड आकारला जाईल. जर एखाद्या व्यक्तीने चुकीच्या पद्धतीने पार्क केलेल्या वाहनाचा फोटो पाठवला तर त्याला 500 रुपयांचे बक्षीस मिळेल. सरकार (Government) लवकरच तसा कायदा आणणार आहे. (nitin gadkari says law to reward person sending pics of wrongly parked vehicle in offing)

त्याचबरोबर चुकीच्या पद्धतीने पार्किंग करणाऱ्या वाहनधारकाला 1000 रुपये दंड भरावा लागणार आहे. केंद्रीय रस्ते वाहतूक आणि महामार्ग मंत्री नितीन गडकरी यांनी गुरुवारी ही माहिती दिली. दिल्लीतील एका कार्यक्रमाला संबोधित करताना नितीन गडकरी म्हणाले की, रस्त्यावर चुकीच्या पद्धतीने पार्क केलेल्या वाहनांना आळा घालण्यासाठी कायदा आणण्याचा विचार करत आहोत.

'कायदा आणणार'

केंद्रीय मंत्री नितीन गडकरी म्हणाले की, मी असा कायदा आणणार आहे की रस्त्यावर उभ्या केलेल्या वाहनाला 1000 रुपये दंड आकारला जाईल. त्याचबरोबर चुकीच्या पद्धतीने वाहन पार्क करणाऱ्या गाडीचा फोटो काढून पाठवणाऱ्याला ५०० रुपये दिले जातील.

सौम्य शब्दात नितीन गडकरी म्हणाले, माझ्या नागपुरातील स्वयंपाकीकडेही दोन सेकंड हँड वाहने आहेत. आज चार जणांच्या कुटुंबाकडे सहा गाड्या आहेत. दिल्लीचे लोक नशीबवान आहेत असे वाटते. त्यांचे वाहन उभे करण्यासाठी आम्ही रस्ता तयार केला आहे.