Nilesh Rane : निलेश राणे लवकरच शिवसेनेत प्रवेश करण्याची शक्यता ?

विधानसभेच्या निवडणुकीसाठी सर्वच राजकीय पक्ष जोरदार तयारीला लागले आहेत. यातच अनेक घडामोडी देखील घडत आहेत. याच पार्श्वभूमीवर निलेश राणे लवकरच शिवसेनेत प्रवेश करण्याची शक्यता वर्तवण्यात येत आहे.

निलेश राणे लवकरच शिवसेनेत प्रवेश करणार असल्याच्या चर्चा राजकीय वर्तुळात रंगल्या आहेत. महायुतीत उमेदवाराची अदला-बदल होण्याची शक्यता आहे. काल नारायण राणे यांनी मुख्यमंत्री एकनाथ शिंदे यांची भेट घेतली.

नारायण राणे आणि मुख्यमंत्री एकनाथ शिंदे यांच्या भेटीनंतर या चर्चांना उधाण आले. या दोघांच्या भेटीमध्ये निलेश राणे यांच्या प्रवेशासंदर्भात चर्चा झाल्याची माहिती मिळत आहे.

कुडाळ विधानसभा मतदारसंघात महायुतीत उमेदवाराची आदला-बदल होण्याची शक्यता वर्तवण्यात येत असून जागावाटपात कुडाळ विधानसभा मतदारसंघ एकनाथ शिंदे यांच्या शिवसेनेच्या वाट्याला जाण्याची शक्यता असून निलेश राणे शिवसेनेकडून कुडाळ-मालवणचे उमेदवार असण्याची शक्यता आहे