शिवसेनेला धक्के पे धक्के : मुंबईतील दोन आमदार गुवाहटीत

शिवसेना पक्षप्रमुख उद्धव ठाकरे वर्षा सोडून मातोश्रीकडे जात असतांना आणखी धक्के शिवसेनेला बसत आहे. आणखी एक मंत्री आणि दोन आमदार गुवाहटीकडे रवाना झाले असल्याचे वृत्त आहे. त्यांच्यांसाठी सुरतला खाजगी जेट विमानाची सोय करण्यात आली आहे.

शिवसेनेची मुलूख मैदान तोफ म्हणून ओळख असणारे मंत्री गुलाबराव पाटील यांच्यांसह 4 आमदार शिंदे गटात बुधवारी पोहोचले आहे. त्यांच्यासोबत मुक्ताईनगरचे अपक्ष आमदार चंद्रकांत पाटील, योगेश कदम, मंजुळा गावित यांचा समावेश आहे.

मुंबईतील कुर्ला येथील शिवसेनेचे आमदार मंगेश कुडाळकर आणि सदा सरवणकर हेदेखील नॉट रिचेबल झाल्याचं समोर आले आहे.

दरम्यान उदय सामंत यांनी खुलाशा केला आहे की, बंडखोरांच्या गटात आपण नाही. यासंदर्भात आलेल्या बातम्या निराधार आहे.

एकनाथ शिंदे यांचे टि्वट

या ट्विटमध्ये एकनाथ शिंदे यांनी महाराष्ट्रहितासाठी आता निर्णय घेणे गरजेचे आहे असं म्हटले आहे. तसेच गेल्या अडीच वर्षात महाविकास आघाडी सरकारचा फायदा फक्त घटक पक्षांना झाला,आणि यामध्ये शिवसैनिक भरडला गेला आहे. घटक पक्ष मजबूत होत असताना शिवसैनिकांचे - शिवसेनेचे मात्र पद्धतशीर खच्चीकरण होत आहे. पक्ष आणि शिवसैनिक टिकविण्यासाठी अनैसर्गिक आघाडीतून बाहेर पडणे अत्यावश्यक आहे. म्हणून आता महाराष्ट्रहितासाठी आता निर्णय घेणे गरजेचे आहे असं म्हणत एकनाथ शिंदे यांनी ट्विट केले आहे. या टि्वटनंतर चार आमदार दाखल झाले असून तीन आमदार दाखल होण्याचा मार्गावर आहे.