Maharashtra Political Crisis : शिंदे गट मनसेत जाणार? काय सुरु आहेत डावपेच
राज्यातील राजकारणात शिवसेना नेते एकनाथ शिंदे यांनी आणलेल्या भूकंपाचे हादरे अजूनही बसत आहे. दरम्यान, मनसे अध्यक्ष राज ठाकरे यांना एकनाथ शिंदे यांनी दोन वेळा फोन केला. यामुळे राजकीय वर्तुळात चर्चांना उधाण आले आहे आणि शिंदे गट मनसेत जाणार का? असा चर्चा सुरु झाल्या आहेत.
एकनाथ शिंदे यांना दोनतृतीयांशपेक्षा जास्त म्हणजेच 37 आमदारांचा पाठिंबा आहे. परंतु त्यानंतरही विधानसभेत वेगळ्या त्यांना वेगळ्या पक्षाची मान्यता मिळणे सोपे नाही. बंडखोर गटाला राष्ट्रपतीपदाच्या निवडणुकीपूर्वी या समस्येवर तोडगा काढायचा असेल, तर त्यासाठी सर्वात सोपा मार्ग म्हणजे स्वतःला एखाद्या पक्षात विलीन करणे आहे. यामुळे शिंदे गट मनसेत प्रवेश करण्याची दाट शक्यता आहे.
शिंदे यांनी का केला फोन
एकनाथ शिंदे यांनी दोन वेळा राज ठाकरे यांच्यांशी चर्चा केली. यावेळी मनसेत सामील होण्याची ऑफर एकनाथ शिंदे यांनी दिली. याला मनसेचे अनेक नेते अनुकूल आहे. राजकारणात कोणत्याही शक्यतेला अंत नसतो. दोन्ही बाजूच्या लोकांची विचारसरणी सारखीच आहे. त्यामुळे ते एकत्र आले तर महाराष्ट्रातील जनतेचे भले होईल, असेही मनसे नेते म्हणाले. मात्र, दोन्ही पक्षांमध्ये केवळ चर्चा सुरू झाली आहे. एकनाथ शिंदे यांनी राज ठाकरे यांच्या प्रकृतीची माहिती घेण्यासाठी फोन केल्याचे मनसेकडून म्हटले जात आहे. काही दिवसांपूर्वी राज ठाकरे यांच्या हिप रिप्लेसमेंटची शस्त्रक्रिया झाली होती.
मनसे का आहे पर्याय
राजकीय तज्ज्ञांवर विश्वास ठेवायचा झाल्यास, उपसभापती नरहरी झिरवाल यांनी अपात्र घोषित केलेल्या १६ आमदारांना वाचवण्यासाठी शिंदे गटाला लवकरात लवकर विद्यमान राजकीय पक्षात विलीन व्हायचे आहे. विधानसभेत मनसेचा एकच आमदार असला तरी जवळपास संपूर्ण महाराष्ट्रात पक्षाची स्थापना झाली आहे. अशा स्थितीत इतर कोणत्याही पक्षात विलीन होण्याऐवजी शिंदे गटासाठी मनसे हाच पक्ष सर्वात योग्य ठरेल
भाजपसाठी सोयीचे
महाराष्ट्रात शिवसेनेला टक्कर देण्यासाठी भाजपने महाराष्ट्र नवनिर्माण सेनेचा (मनसे) वापर करण्याची तयारी केली होती. सूत्रांनी दिलेल्या माहितीनुसार, चर्चेच्या अनेक फेऱ्या झाल्यानंतर १४ जूनपासून दोन्ही पक्षांच्या विलीनीकरणाची चर्चाही सुरू झाली होती. या आघाडीलाही राष्ट्रीय स्वयंसेवक संघाने हिरवा झेंडा दाखवला. अशा स्थितीत शिंदे गटाला मनसेत सामील करून भाजप आपली योजना यशस्वी करू शकेल, असे मानले जात आहे.
संघासमोर चर्चा
आगामी महापालिका निवडणुकीत भाजप मुंबई आणि पुण्यात मनसेला काही जागा देणार असल्याचीही चर्चा होती. उर्वरित राज्यात भाजप स्वबळावर निवडणूक लढवणार आहे. सूत्रांनी दिलेल्या माहितीनुसार, यासंदर्भात मनसे आणि भाजपमध्ये शेवटची महत्त्वाची बैठक २१ एप्रिल रोजी झाली होती. यामध्ये संघाचे लोकही उपस्थित होते. या बैठकीत युतीबाबत तत्वत: सहमती झाली. जागावाटपासह इतर काही प्रश्नांवर नंतर निर्णय घेण्यात आला.
शिवसेनेची हिंदुत्वावरील पकडी ढिली
गेल्या काही महिन्यांपासून मनसे अध्यक्ष राज ठाकरे धार्मिक स्थळांवर लावलेल्या लाऊडस्पीकरवरून आंदोलन केलीत. महाविकास आघाडी सरकारवर हल्लाबोल करत आहेत. या मुद्द्यावर त्यांनी महाराष्ट्र सरकारवर टीका करत उत्तर प्रदेशच्या योगी सरकारचे कौतुकही केले आहे. महाराष्ट्राच्या राजकारणात एकेकाळी मराठी माणूस आणि कट्टर हिंदुत्वाचा समर्थक मानल्या जाणाऱ्या शिवसेनेला हिंदुत्वाच्या मुद्द्यांवरची पकड सैल केल्याने आघाडीच्या पायावर खेळण्याची संधी मिळाली आहे. राज ठाकरे यांचा हिंदुत्वाचा अजेंडा हा अचानक नसून जाणीवपूर्वक केलेली चाल आहे आणि हा मनसेच्या राजकीय विस्ताराचा भाग असल्याचे राजकीय जाणकारांचे मत आहे. त्यामुळे शिंदे गटाचे मनसेत विलीनीकरण होण्याची शक्यता प्रबळ दिसते.
मनसेची प्रतिमा सुधारणार
मुंबईत 26% मराठी मतदार आहेत, तर उर्वरित 64% उत्तर भारतीय, गुजराती आणि इतर मतदार आहेत. ते भाजपसोबत शिवसेनेला मतदान करतात. अशा स्थितीत शिंदे गट मनसेत विलीन झाल्यास राज ठाकरे यांच्या पक्षाला मोठा विस्तार मिळू शकतो आणि मनसेची उत्तर भारतीय विरोधी पक्ष म्हणून असलेली प्रतिमाही धुऊन निघू शकते. दोन्ही बाजू बाळासाहेब ठाकरेंना आपला नेता आणि त्यांची हिंदुत्व विचारधारा ही आपली विचारधारा सांगत आहेत. दोन्ही एकत्र आल्याने तळागाळातील कार्यकर्त्यांमध्ये संघर्षाची परिस्थिती निर्माण होणार नाही. शिवसेनेने काँग्रेस आणि राष्ट्रवादीला साथ दिल्याने असंतुष्ट असलेला शिवसैनिक मनसेचाही स्वीकार करणार आहे. भाजपला राज ठाकरेंना नवीन हिंदुत्व नेता म्हणून उभे करायचे आहे. त्यामुळे राज ठाकरेंसाठी ही सर्वात मोठी संधी असेल.
मनसेला नवसंजीवनी
राज यांनाही मनसेला नवसंजीवनी द्यायची आहे. अशा परिस्थितीत शिंदे गट त्यांच्यासोबत आला आणि त्यांनी भाजपसोबत महाराष्ट्रात सरकार स्थापन केले तर संपूर्ण महाराष्ट्रात त्यांचा पक्ष भक्कमपणे प्रस्थापित होईल. मनसेशी हातमिळवणी करून ते उद्धव यांच्या शिवसेनेच्या मतांना खिंडार पाडू शकतात, अशी भाजपची योजना आहे. याचा मुंबई, पुणे आणि राज्यातील इतर महापालिका निवडणुकांवर मोठा परिणाम होणार आहे. मुंबई, ठाणे, कल्याण-डोंबिवली आणि नाशिक या स्थानिक स्वराज्य संस्थांच्या निवडणुकांमध्ये शिंदे गट आणि भगवा झेंडा घेऊन मनसे आपल्या नव्या अवतारात विजय मिळवू शकेल, अशी भाजपला आशा आहे.उद्धव ठाकरेंची हिंदुत्वाची विचारधारा कमकुवत झाल्याबद्दल नाराज असलेल्या शिवसैनिकांना भाजप आणि राज ठाकरे यांच्या जवळीकीने पर्यायी व्यासपीठ उपलब्ध करून दिले आहे.
