किती हा विरोधाभास! पंतप्रधान मोदींना जयंत पाटलाचं जोरदार प्रत्युत्तर

पंतप्रधान नरेंद्र मोदी काल शिर्डी दौऱ्यावर होते. यावेळी त्यांनी शिर्डीतील जाहीर सभेत नाव न घेता शरद पवार यांच्यावर टीका केली आहे. पंतप्रधान मोदी म्हणाले की, माजी कृषीमंत्र्यांनी शेतकऱ्यांसाठी काय केलं? मी त्यांचा वैयक्तिक सन्मान करतो, पण शेतकऱ्यांसाठी काय केलं? असा सवाल मोदी यांनी केला आहे.

यावर प्रत्युत्तर देत जयंत पाटील यांनी ट्विट केलं आहे. जयंत पाटील म्हणाले की, किती हा विरोधाभास! आदरणीय शरदचंद्र पवार साहेब यांनी ६० वर्षांत शेतकर्‍यांसाठी काहीही केले नाही असे म्हणणाऱ्या पंतप्रधानांनीच पूर्वीच्या भाषणात पवार साहेबांच्या कार्याबद्दल वस्तुस्थिती मांडली होती. असे म्हणत जयंत पाटील यांनी एक व्हिडिओ शेअर केला आहे.