राज ठाकरे व मनसैनिकांच्या भुमिकेत विरोधाभास?

काल (02-04-2022) तब्बल 2 वर्षांनी मनसेचा गुढी पाडवा (MNS Melawa) मेळावा पार पडला. दरम्यान, मनसे अध्यक्ष राज ठाकरे (MNS Chief Raj Thackeray) मेळाव्यात काय बोलणार ह्याकडे सर्वांचेच लक्ष लागलेलं असताना राज ठाकरेंनी भाषणातून महाविकास आघाडीवर विशेषत: राष्ट्रवादी व शिवसेनेवर (NCP & Shivsena from MVA Goverment) निशाणा साधला मात्र, भाजपवर (BJP) टीकास्त्र डागलेलं नाही. त्यामुळे, मनसेने भाजपशी जवळीक साधली का असा प्रश्न उपस्थित केला जातोय. असं असलं तरीही मनसैनिकांची (MNS Workers) भुमिका काही वेगळीच दिसली.

राज ठाकरे यांचे भाषण संपल्यानंतर घरी परतणाऱ्या मनसेच्या कार्यकर्त्यांनी दादर (Dadar) इथे लागलेलं भाजपचं (BJP Poster) भलं मोठं पोस्टर फाडण्याचा प्रयत्न केला. पोस्टर फाडणे शक्य झाले नाही तेव्हा भाजपच्या बॅनरवर मनसेचं बॅनर (MNS Poster) मनसैनिकांनी लावलं. मुंबई मेट्रोचं (Mumbai Metro) श्रेय घेणार्‍या भाजपच्या पोस्टरवर पंतप्रधान नरेंद्र मोदी (PM Modi) आणि देवेंद्र फडणवीस (devendra Fadnavis) यांचे फोटो होते. भाजपच्या बॅनरवर मनसेचे बॅनर लागल्यानंतर मनसेच्या कार्यकर्त्यांनी येथे प्रचंड जल्लोषही केला.

त्यामुळे कालच्या भाषणातून राज ठाकरेंनी अप्रत्यक्षपणे भाजपशी साधलेली जवळीक मनसैनिकांच्या पचनी पडली नाही का? असा प्रश्न उपस्थित होतो.