भूपेंद्र पटेल आज दुसऱ्यांदा घेणार गुजरातच्या मुख्यमंत्रीपदाची शपथ

नुकतीच गुजरात विधानसभा निवडणुक (Gujarat Assembly Election) पार पडली आहे. या गुजरात विधानसभा निवडणूकीमध्ये भाजपाने 156 जागा जिंकून ऐतिहासिक विजय मिळवला आहे. तसेच भूपेंद्र पटेल हे आज दुसऱ्यांदा मुख्यमंत्रीपदाची शपथ घेणार आहेत. भूपेंद्र पटेल यांचा आज शपथविधी सोहळा पार पडणार आहे. गांधीनगरमध्ये हा शपथविधी सोहळा पार पडणार आहे. या शपथविधी सोहळ्याची तयारी पूर्ण झाली आहे.

या शपथविधी सोहळ्यामध्ये पंतप्रधान नरेंद्र मोदी, गृहमंत्री अमित शाह, भाजप अध्यक्ष जे. पी. नड्डा यांच्यासह देशभरातील महत्वाचे नेते उपस्थित राहणार असणार आहेत. तसेच अन्य राज्यांतील काही मुख्यमंत्री उपस्थित राहणार आहेत. या शपथविधी सोहळ्यामध्ये महाराष्ट्राचे उपमुख्यमंत्री देवेंद्र फडणवीस उपस्थित राहणार आहेत. तसेच मुख्यमंत्री एकनाथ शिंदेदेखील या सोहळ्याचे आमंत्रण मिळाले आहे.