लोकायुक्त कायद्यावरून अण्णा हजारेंचा ठाकरे सरकारवर हल्लाबोल, आंदोलनाचा ईशारा
अण्णा हजारे पुन्हा एकदा इतिहासाची पुनरावृत्ती करणार आहेत. अण्णा हजारे यांनी २०११ मध्ये राजधानीत भ्रष्टाचाराविरुद्ध मोठे आंदोलन करून देशातील सरकारला हादरवले होते. मिळालेल्या माहितीनुसार, अण्णांनी राष्ट्रीय लोक आंदोलन ही नवी संघटना स्थापन केल्याची माहिती आहे. (anna hazares anger on thackeray over lokayukta act)
अण्णा हजारे १९ जूनला दिल्लीत येणार आहेत
अधिकृत सूत्रांनी दिलेल्या माहितीनुसार, अण्णा हजारे 19 जून रोजी राजधानीत येत असून त्यांच्या नव्या प्रवासाला सुरुवात होणार आहे. या तारखेला ते या नव्या संघटनेची घोषणाही करणार असल्याचे सांगण्यात येत आहे. ही नवी संघटना भ्रष्टाचाऱ्यांना मुळापासून उखडून टाकण्यासाठी केली जात आहे असे बोलले जात आहे.
लोकायुक्त कायद्याबाबत अण्णा म्हणाले
अधिकृत सूत्रांनी दिलेल्या माहितीनुसार, अण्णा हजारे यांनी लोकायुक्त कायद्याच्या दिरंगाईबाबत इशारा दिला होता. याप्रकरणी त्यांनी संपूर्ण महाराष्ट्रात आंदोलन पुकारले आहे. महाराष्ट्र सरकारने ऑगस्टपर्यंत हा कायदा लागू न केल्यास संपूर्ण राज्यात आंदोलन छेडण्यात येईल, असेही ठाम मत मांडले आहे. 15 मे रोजी अण्णांनी मुख्यमंत्री उद्धव ठाकरे यांना याबाबत पत्र लिहिले होते.
महाराष्ट्रात मोठे आंदोलन उभारणार - अण्णा हजारे
मीडिया रिपोर्ट्सनुसार, देशातील काही राज्यांनी मार्गदर्शक तत्त्वांनुसार लोकायुक्त कायदे अधिसूचित केले आहेत, परंतु महाराष्ट्रात अद्याप तसे झालेले नाही. मागील देवेंद्र फडणवीस सरकारच्या काळात 2019 मध्ये मी आंदोलन केले होते, परंतु फडणवीस यांनी मला मुख्य सचिवांच्या अध्यक्षतेखाली मसुदा समिती स्थापन करण्यास सरकार तयार असल्याचे लेखी आश्वासन दिल्यानंतर मी माझे आंदोलन मागे घेतले. यानंतर विद्यमान एमव्हीए सरकारने लोकायुक्त कायदा करण्याचे आश्वासन दिले होते, परंतु आजपर्यंत काहीही केले नाही.
अण्णा हजारेंचा उद्धव ठाकरेंवर संताप
मिळालेल्या माहितीनुसार, लोकायुक्त कायद्याच्या दिरंगाईवर अण्णा हजारे यांचा महाराष्ट्राचे मुख्यमंत्री उद्धव ठाकरेंवर संताप दिसत आहे. राज्यात लोकायुक्त कायदा लागू करा अन्यथा तो पूर्णपणे काढून टाका. हा कायदा महत्त्वाचा मानून राज्यात विकासाची नवी लाट सुरू करण्यासाठी राज्यातील 200 छसिलांमध्ये समित्यांची स्थापना करण्यात आली आहे.
