कोल्हापूर पाणीपुरवठा प्रश्न ऐरणीवर! अभियंताच्या घरासमोर अंघोळ करत आंदोलन

कोल्हापूर : कोल्हापूरकर आंदोलन करतानाही खास कोल्हापुरी स्टाईल जपताना दिसत आहे. कोल्हापुरातील पाणीपुरवठा विस्कळीत झाल्याच्या निषेधार्थ सामाजिक कार्यकर्ते विजय देसाईंनी जलअभियंत्याच्या घरासमोर अंघोळ करत आंदोलन केलं आहे.

गेल्या काही दिवसांपासून कोल्हापूरच्या पाणीपुरवठ्याचे तीन तेरा वाजले आहेत. पाणीपुरवठा सुरळीत व्हावा यासाठी जलअभियंता नेत्रदीप सरनोबत यांच्या घराबाहेर अंघोळ करुन पाणीपुरवठा विस्कळीत झाल्याच्या समस्येकडं लक्ष वेधलं आहे.

उद्यापर्यंत पाणीपुरवठा सुरळीत न झाल्यास जलअभियंत्यांच्या घराबाहेर सामूहिक अभ्यंगस्नान आंदोलन करणार असल्याचं देखील यावेळी सामाजिक कार्यकर्त्यांकडून जाहीर करण्यात आलं आहे.