चोरांनी चक्क ATM मशीनच लांबवलं !

चाळीसगाव शहरात चोरट्यांनी थेट एटीएम मशीनच लांबवल्याची घटना घडली आहे. या मशीनमध्ये 17 लाख रुपयांची रोकड असल्याची माहिती आहे. या घटनेने शहरात खळबळ उडाली आहे.

चाळीसगाव शहरातील भडगाव रस्त्यालगत खरजई रस्त्यावर असलेल्या एटीएम चोरट्यांनी चोरून नेल्याची घटना घडली. स्टेट बँकेचे एटीएम मशीन होते. या एटीएममध्ये जवळपास 17 लाख रुपयांची रोकड असल्याचं सांगण्यात येत आहे.चोरट्यांनी चारचाकी वाहनातून एटीएम मशीन चोरुन नेली.

एटीएम मशीनच रात्री १.३० वाजेच्या सुमारास अज्ञात चोरट्यांनी चोरुन नेले आहे. या मशीनमध्ये 17 लाख रुपये रोकड असल्याची माहिती मिळाली आहे. या घटनेमुळे एकच खळबळ उडाली असून. ही घटना चाळीसगाव शहर पोलीस स्टेशनचे पोलीस अंमलदार विनोद खैरनार रात्री 3 वाजेच्या दरम्यान गस्त घालत असताना उलगडा झाला आहे.

दरम्यान चोरट्यांनी चारचाकी वाहनातून एटीएम मशीन चोरुन नेल्याने पोलीस चारचाकी वाहनाबाबत काही सुगावा लागतो यादृष्टीने तपास करीत आहेत.